السلام عليكم ورحمة الله
حبيت اضع لكم هذي الروايه اللي اعجبتني مره وحنزلها على اجزاء ارجو ان تعجبكم
الجزء الاول
حمد وحيد ما عندة اخوان وهو ماسك شركات ابوه. وابوة مسكه الشغل وهو صغير عشان يتعود على الشغل ويتحمل المسوولية.
حمد عمرة 24 عاش طيلة حياتة في لندن ودرس فيها الابتدائى والاعدادي والثانوي وحتى الجامعة درس فيها جامعة قيونالدهال تخصص ادارة اعمال.
حمد من نوع الرجل اللى يحب الشغل وعندة الشغل شغل وهو مجد في عملة وهو من النوع المرح وينحب من اول مرة تشوفه والتعامل معاه سهل وحلو..
كالعادة فتح باب المكتب ومشى لين مكتبة ويلس على الكرسي وبعد شوي دخلت السكرتيرة.
السكرتيرة صباح الخير..
حمد صباح النور..
السكرتيرة استاذ حمد الوالد طلبك على التيلفون ويريدك اسويلة تيلفون ضروري..
حمد اوكية...حد غير الوالد طلبني؟
السكرتيرة دق المحامي تيلفون وقال يريد يكلمك بموضوع ضروري. ووصل فاكس من لندن بخصوص شركة المقاولات .
حمد اوكية. دقي حق الوالد. وقولى حق المحامي ايي الشركة وهاتي البريد..
السكرتيرة حاضر. تريد شىء ثاني ؟
حمد لا مشكورة .
بعد دقايق خذ حمد تنهيدة طويلة ويلس يقرى ملفات .
السكرتيرة استاذ حمد الوالد على الخط..
حمد اوكية شكرا.
حمد السلام عليكم..شحالك الوالد؟. عساك بخير؟
الوالد هلا ولدي. شحالك؟. انا بخير وسهالة. شو اصبحت اليوم. عساك بخير
حمد بخير وسهالة ..يعلنى افداك ..شو اصبحت انت اليوم ؟؟
الوالد بخير وسهالة...امممممممم..الا حمد بغيت منك خدمة..
حمد من عيونى..اااامر بس انت وتدلل وفالك طيب..
الوالد فالك ما يخيب..حمد بغيت اسالت تقدر اسير بدالى لندن؟
حمد ليش ابوية خير شو هناك؟..
الوالد ما شىء بس بغيتك اسير بدالى .وتفتح فرعنا وعندي كم اجتماع هناك. وما فينى هبة اسير
حمد فالك طيب ابوية ما طلبت. انزن متى تباني اسير؟
الوالد فالك ما يخيب. يوم اليمعة فليل.
حمد خلاص فالك طيب. تامر بشىء غير؟؟
الوالد سلامتك..والحين ما اريد اخرك فداعة الرحمن..
حمد مع السلامة والله يحفظك..
بعد شوي السكرتيرة تدق الباب استاذ حمد المحامى وصل..
حمد اوكية دخلية. وقطعي كل التيلفونات..
حمد هلا والله شحالك استاذ خالد؟
خالدبخير شحالك انت؟ عساك بخير..
حمد بخير يعلك الخير. خير استاذ خالد من الصبح طالبنى؟؟
خالد انا والله اريد اكلمك بموضوع مشروع الفندق .
حمد اي مشروع ؟
خالد مشروع الفندق اللى طلبنا من شركة عبد الكريم للمقاولات تبنية لنا..
حمد اهاا .شو فية خلاص نحن اتفقنا علية وعطيناهم صلاحية لبنايته. وعلى ما ظن الحين يبنونه..
خالداستاذ حمد بقولك شىء. عرفت ان هي الشركة اتفقت على بناية مشروع لخالد مطر
حمد انزين شو يعني؟
خالد هاي الشركة استخدمت نوعية رديئة في بناية مشروعه وبعد كم من سنة اضطر خالد مطر يعيد بناية مشروعة مرة ثانية. ويوم خلصت من بناية هذا المشروع اختفت هاي الشركة كم من سنة والحين ظهرت .
حمد بس يا استاذ خالد..انت قلت لى انها شركة معروفة ومظمونة كيف الحين تقول هذا الكلام؟
خالدانا هذا الى سمعتة. انها شركة ممتازة وزينة ومعروفة بس بعد الاتفاق وياهم سمعت العكس
حمدانزين الحين يمكن اللى قالك يجذب عليك ما يريدنا نستخدم هذي الشركة؟
خالد لا انا تكلمت ويا محامي خالد مطر واكدلى هذا الكلام..
دام الهدوء لمدة خمس دقايق ..يلس حمد يفكر شو يسوى..
حمد اوكية الحين ما نقدر انكنسل الاتفاقية؟
خالدنقدر بس الحين هم يبنون من تقريبا اسبوعين
حمدانزين........؟؟
خالد نقدر نوقف الاتفاقية بس منخسر شو .ويتوقف المشروع الفندق ولازم ندور شركة ثانية تبني لنا هذا المشروع ويبالنا وقت .
حمد نخسر شوي احسن ما نخسر المشروع كلة. خلاص دق حقهم وكنسل المشروع وخبرني على اللى بصير..
خالداوكية .عاد الحين انا بترخص منك. شىء في خاطرك
حمد سلامتك..
يوم ظهر استاذ خالد سار حمد وخذ كوب ماي بارد ويلس على الكرسي يفكر في الشغل ويفكر في المشروع وفي السفر وفي ..وفي. وبعد شوي دخلت السكرتيرة كانت يايبة الملفات والبريد.
السكرتيرةاستاذ حمد استاذ محمد على التيلفون ولد عمة..(
حمد اوكية حوليه.
السكرتيرةحاضر..
حمد هلا وغلا وين هالغيبة هالايام ما تنشاف......؟
محمدوالله الا في الشركة ماسرت بقعة..
حمدعلومك ؟؟وين ليش ما تزورنا؟؟
محمدانا من يومين واصل .
حمدليش وين كنت؟
محمدوالله كنت في فرنسا.
حمدحتى انا يوم اليمعة فليل بروح لندن..
محمدحليلك الله يوفقك.وترد بالسلامة...حمد اقول..
حمد هلا امر .خير شو..تراك ما تييبلى غير الاخبار الشينة؟هههههههه.
محمدخلاص عيل برايك .
حمدافا. هههه..شو غديت شرات البنات ما حد يروم يكلمك الا تمد البوز شبرين..
محمدما تشوف رمستك عيل انا من متى اييب لك الاخبار الشينة بس مش منك من اللى يفكر فيك ويريد يظهرك من الجو الى عايشنة..
حمداهااااااااا .عرفت شو تبى .اقوال محمد ما لى بارض على حفلاتك ومشاكلك. فكنى من الصدعة.
محمدانزين انا بعدنى ما قلت شو ابا..وبعدين قول الى تبا تقولة..
حمدخير شو عندك .يا بو المشاكل؟؟؟؟؟؟؟؟ههههههه..
محمد ترانى والله ما اقول .
حمدافاااااااا.......خلاص بسكت يالله قول
محمدههههههه..هيه جيه اباك..والله انا ويا الشباب منروح رحلة شو رايك تخاوينا؟
حمدمالى خاطر على سيرات برى.
محمدههههه ..لا رحلة في دار بوخليفة.
حمدوالله وين تبون ايسيرون؟؟
محمدوالله نبا نسير العين..
حمدليش شو فيها ؟؟ما احيدها تغيرت!!
محمدلا بس ياينها امطار من يومين ويقولولك امطار والبقعة روعة شو رايك؟
حمدانزين شو يعني انت اول مرة تشوف الامطار؟؟
محمدلا نحن نريد انسير نقنص. يعني نريد نتحوط ونصيد من زمان ما صدنا..
حمد وما تذكر ذيج المرة كيف سوالنا الوالد مشكلة؟ ليش انت تحب تروح عند المشاكل؟ اجلها بعدين منسافر تنزانيا ومنصيد هناك
محمد وبعدين انت ليش تقارن صيد الدار بصيد برى؟؟وبعدين ما حد بيدري
حمد ليش الربع ما بسيرون ويانا؟؟
محمدلا تخاف ما بشل حد من الربع بس الاهل. والى بسيرون مكلمك وانت وحمدان واخوية سعيد..
حمدعيال عمومتية؟؟
محمدهية ليش شو ما تباهم يسيرون؟؟لا تخاف بس يومين يالله عاد بسك من الشغل. الشغل يسير ويرد الا العمر ما يرد...
حمدانزين شو بتقول حق الاهل وين بسيرون؟؟
محمدلا تخاف منقولهم انا منسافر يومين ومنرد؟؟ انت بسير ولا لا ؟؟ لا ظيع الفرصة يالله شورايك؟
حمدوالله انت تعرف ان الصيد وحدة من هواياتي بس ؟؟
قطعة محمد في كلامة لا بس ولا شىء يالله خلنا نروح..عنبوه ارتاح من الشغل
حمدخلاص فالك طيب انزين متى بتروحون؟؟
محمدوالله قررنا نروح اليوم الساعة اربع العصر..منوصل المغرب في العين ومنبات في بيتنا لانة ماحد فية هم الحين في بوظبي .والفير منروح البر ومنبات ليلة هناك..وظاوين دبي باليوم الثانى
حمداوكية خلاص .بترياك اليوم.
محمداقول هات سيارتك الرنج .وشل ملابس وياك والى تباه
حمدلا والله عيل شو تباني اروح جيه بدون ملابس..
محمدويا ويهك بدال ما تشكرني .بس مش منك
حمداوكية .هههه .مشكوووووووووووووووور..وا لله يمرر هالايام بخير
محمدهب منك من الى يفكر فيك..
حمدههههه...كلة الا زعل الحلوين ..يالله فداعة الرحمن
محمدفمان الله..
يلس حمد يشيك على الملفات والى لازم يشوفهن عشان بروح ولازم يخلص شغلة. فطلب السكرتيرة
حمدلو سمحتى تعالى شوى..
السكرتيرةنعم استاذ حمد..
حمدالغي كل المواعيد..انا بروح الساعة 3 واجلى كل الاجتماعات لين اسبوع الياي لاني بسافر يوم اليمعة الفير لندن..
السكرتيرةحاضر. تامر بشىء..
حمدلا مشكورة..
ومضت الساعات ويت الساعة 3 شل حمد الاوراق الى يباهن من المكتب عشان في البيت براجعهن ..ركب السيارة ورد البيت..
في البيت .
الوالدةهلا والله بوليدي حمد. شحالك ابوي ؟ شو اليوم وياك؟
حمد بخير امايا انتى شحالج؟؟
الوالدةبخير. الا اقولك؟؟؟ شىء فيك ابوية؟اشوفك اليوم ياي من وقت ؟شى يعورك؟
حمدهههههههه يعنى حد ايي بسرعة شىء فيه؟؟والله بخير...ما فيني شىء؟ اشوفج متلبسه وين بسيرن؟؟
الوالدةوالله اليوم يت خالتك فطيم وبروح ازورها..
حمدهيه حليلها متى ردة من السفر..والله انى اشتقتلها؟؟
الوالدةانزين يالهم تعال .ليش ما تخاوينا انا وابوك..
حمدوالله انا الحين ما اقدر بسير
الوالدةليش وين بسير ؟؟
حمدما بقعة .بس بغيت اقولج؟
الوالدةهلا وليدي خير شو فيك..
حمدهههه..لا امايا مافيني شىء والله بس انا الحين بسافر ويا عيال عمومتية..
الوالدة برايك ولدي بس دير بالك على عمرك .وما وصيك دق تيلفون حقي يوم بتوصل..وان شاء الله توصل بالسلامة .بس متى الرجعة؟
حمدوالله برجع بالسلامة يوم الخميس..
الوالدةعيل ما بتبطي .وين بسير ؟
حمدوالله الا هنية مش بعيد.
الوالدةالله يحفظك..يالله الحين بسير مع السلامة..
بعدين سار الغرفة ويلس متلوم وحس بالذنب عشان ما قالها الصدق لانة لو قالها الصدق بتم تحاتيه..شل ملابسه واللابتوب ونزل وسار وزقر البواب عشان يفتح القراج الرنج..وركب السيارة وبعد شوي يو عيال عمومتية. سارو في سيارتين حمد ومحمد في سيارة حمدان وسعيد في سيارة..وسارو العين..ووصلوا العين الساعة7 تقريبا المغرب ساروا البيت وغيروا ملابسهم..
محمد شو رايكم انسير انراوي حمد العين لانة حليلة في حياتة ما سار العين ولا مرة شافها
حمد شو نشوف الحين فليل..وبعدين انا ما لى خاطر.
محمد منسير العين مول وبعدين يوم منرد من البر منراويك البقعة كلها..
حمدما لى خاطر اسير مول..وبعدين انا ما احب المولات
فيلسو يقنعوني على انه اسير وياهم
حمد بس منرد بسرعة جان تبون اسير وياكم..
الجميع حشة نحن يايين عشان نستانس مش عشان نيلس في البيت..ويلسو يتحرطمون على حمد .
حمدخلاص عنبوه كلتونى..ياله انسير .
محمددواك عيل شو ميلسنك في البيت..
شو تتوقعون يستوي في العين مووووووووووووووول؟؟؟؟

الجزء الثاني
حمدخلاص عنبوه كلتونى..ياله انسير .
محمددواك عيل شو ميلسنك في البيت..
في العين مول
يلسو في الكوفي وطلبو كبتشينو..وكيك..وقهوة..
حمدانشباب بترخص بسير اشوف شو الفلم الى بعرضونة اليوم وبييكم..
محمد صدق والله انا في خاطري اشوف فلم من زمان ما شفت فلم.
حمد والله انكم متفيجين ساحبينى من البيت عشان اشوف فلم بس مش منكم من اللى ايي وياكم؟؟؟
محمد عنبوه حمد شو بلاك انت اليوم ؟؟؟؟
وفي نفس الوقت سعيدحمد عاد والله تراك مصختها..شو هذا؟؟؟؟!!
حمد انتو ما قلتولى انكم بتشوفون فلم ..ولا والله ما شبرت..
سعيد حمدان سير انت ويا محمد وانا بيلس وياه ما عليكم منة انا بقنعة..
سار حمدان ومحمد ويلس سعيد ويا حمد...
سعيدحمد شو بلاك اليوم؟؟؟؟؟؟؟؟شو فيك؟؟؟؟؟؟؟شو الى مضايقنك؟؟؟
حمد ما ادري بس انا ما احب هالمكان ..
سعيد اوكية فالك طيب الحين منغيرة شىء في خاطرك بعد..
حمد يا اخى افهمنى انا ما احب المكان يعنى اريد اظهر من العين مول ممكن؟؟؟؟؟
سعيد ليش خلنا شوية نيلس وبعدين منروح. وبعدين حمد عيب عليك والله اضيج بالواحد شو بلاك حليلهم يبونك تسلى وانت كل شىء ما تحبة. بس عاد اصطلب .
حمد اوكية .
سعيد اقولك حمد قوم وياى..
حمد وين تبى تروح ؟؟؟؟؟؟؟
سعيد تعال يالله براويك المكان ومنتمشى .
حمد لو الحين ما طعت بتاكلنى .......خلاص ياللة شىء بعد؟؟؟
سعيد ههههههههههه والله انك سالفة..خلاص عاد اضحك
حمدهههههههه شىء بعد..
سعيد بسم الله الرحمن منك..
حمد ترانى والله ما بسير..
سعيد وهو يضرب ظهر حمديالله عاد الى ناقص احب ريولك.وسارو يتمشون في العين مول عشان حمد كان مضايج .وفجاه!!
سعيد حمد .......
حمد خير؟؟؟؟؟؟
سعيد احس شىء يمسكنى من كندورتى من عند الركبة..
ولتفت حمد وسعيد ..و شافو......
يوم التفت حمد وسعيد لورى شافو بنت صغيرة تريد تمسك كندورة سعيد..
سعيد وحمد انصدمو من وين هالبنت ؟؟؟؟؟؟؟منوين يت؟؟؟
وبعد شوي صاحت ويلس سعيد وحمد يطالعون عمارهم ليش صاحت؟؟
سعيد حبيبي ليش تصيحين؟؟؟؟
البنت.........
سعيد وين ماماه؟؟؟؟
البنت.........
سعيد وين باباه؟؟؟؟؟
البنت........باباتى .ومسكتت يده..ويلست تصيح
سعيد الحق تتحرانى ابوها......
حمد وهو ناقع من الضحك..........حليلها تتحراك ابوها ما كنت اعرف ان شكلك شكل واحد عندة عيال. ويلس حمد يضحك على سعيد...
سعيد والله انك خايس عنبوه بدال ما يالس تسكتها يالس تضحك...
حمد والله عاد ما عندي خبرة باليهال طوووووووووووووول.
سعيد عيل ظك عنى. يالس يضحك والبنت تصيح..
حمدههههههه..شو تبى اسويلك شلها وخلنا نمشى في المول واكيد اهلها بشوفونها وبيون وبشلونها..
سعيد هزرك؟؟؟؟؟؟
حمد عيل شو تبانا يالسين هنيه ونطالعها وهيه تصيح؟؟؟؟
سعيد اوكية.. وشل البنت على كتفة .
من شل سعيد البنت على كتفة سكتتة البنت وبعد شوي يلست تضحك..
حمد اقول سعيد عنبوه كيف اهلها يخلونها اسير بعيد عنهم ولا بعد ما يسالون عنها ولا يدورون عنها؟؟؟؟
سعيد وانت شدراك يمكن الحين اهلها مرتبشين يدورونها؟؟ وبعدين من شكلها ولبسها تنشاف من عائلة محترمة وغنية..
حمد عنبوه وانت شدراك بكل هذا؟؟؟
سعيدشوف شكلها وايد حلوة وبعدين لبسها وايد انيق وحلو وريحتها دهن عود..
حمد لا يعنى الحين كل الى شكلة حلو ولابس ملابس حلو وحاط دهن عود من عائلة غنية؟؟
سعيد اشدراك انت به لامور
حمد خلاص محطي العلم والمعرفة لك .اوكية يا شارلك هومز عيل دور اهلها..
سعيد اقول امسك شوية البنت انا بسير اشترى العاب وكافى لها..
حمد حووووووووو انا شدرانى باليهال؟؟؟؟
سعيد ما يباله علم بس شلها وكلمها وقولها الحين بتى ماماه وباباه وبتسكت..
حمد هزرك..
سعيد يالله عاد امسكها ما ببطى..
حمد الله يعينى منك ومن مشاكلك..
سعيد يالله باااااااااااااااااااااااا اي..
شل حمد البنت وسار وياها لين الكوفي ويلسها على الكرسي..يلست البنت تشوف حمد وهي ساكتة وبعد شوي صاحت .
حمد يا هالبلشة شو الله بلشنى فيها .الله ينطب محمد هو الى قالى حمد شورايك نروح رحلة الا لازم يقول شو رايك اخليك بيبي ستر..الله ينطبة..والله خاطرى افرها من الدري صدعتنى من كثر ما تصيح حشة بالعة مكرفون. شو اسوي الحين كل الناس تشوفنى .
شل حمد البنت ويلس يحوطبها في المول وشاف محل اطفال مذركير)دش حمد المحل ويلس يشوف الملابس والا وشوية سكتت البنت شافت لعبة ويلست طالعها .سار حمد وشترا كل الالعاب الموجودة في الرف عشان تسكت..وخطف وشترالها بعد ايس كريم .
حمدالحمد لله افتكيت من الصدعة .حبيبتى وين تبين تسيرين ؟؟تبين اوديج عند الالعاب.
ولا وشوية يحس شى بارد على كتفة .حثرها الحبيبة خيست كتفة من الايس كريم..
حمد هذا الى نا قصنى الله ينطب سعيد..الحين وين انا اروح عشان اغسل الكندورتى .
حمدالووو سعيد والله لو ما يت الحين والله لخليت البنت تنفد بنفاد الى يشلها .عنلاتك زاد والله ما تينى المشاكل الا من تحت راسك.
سعيد حشه كلتنى .هيه الا دقيقة قتلك تمسك البنت لين ما اشتري..
حمدهيه دقيقة لو تشوف شو سوتبي بهالدقيقة على قولتك..تعال يالله بروح اتغسل..
سعيد حمد انا الحين مخلص وبحاسب خمس دقايق وبكون عندك..
حمدلا تتاخر ولا تراك بتشوفنى في مستشفى الميانين..
سعيد حشة حليلها تراها عمرها يمكن بس ثلاث سنين
حمد يعلها سنة بسرعة خلصنى .
سعيداوكية .الحين ياي اهتم فيها باااااااااااي
حمدلا توصي....باااااااااااااي
يلس حمد يطالع عدالة الا وشوية ما لقا البنت..خيبة وين سارة ويلس يدور عليها وهو خايف لا اييها شىء ولا حد يشلها ويلس يدور عليها وهو مش في حالة .خيبة شو بقول حق اهلها؟؟ شو بقول حق سعيد؟؟ حليلها هية ما تفهم انا شو سويت اكيد زعلت وسارت عنى .الله ينطب هالحالة ...ولا وشوي ويشوفها نازلة من دري المتحرك .ويربع حمد يريد يمسكها ويوم مسكها يلست تضحك تتحرى حمد يلعب وياها .و حمد حضنها وهو فرحان انها ما ياها شىء .وكان متندم على كل كلمة قالها لها وانة كان يذمر منها. بس حمد عمرة ما مسك ياهل وعمرة ما شل ياهل وعمرة ما يعرف كيف يتعامل مع اليهال. بس الحمد الله على السلامة .
شل حمد البنت ووداها الكوفي ويلسها ويلس يلعب وياها مع الالعاب الى اشترالها..
وشوية والا البنت تمط حمد من كندورتة وتودية عند الالعاب ويلس يلعب وياها وهو يضحك على حركاتها وشوية يت الساعة تسع .يت البنت عند حمد ورقدة على كتفة. شلها على ايدة ويلس يشوفها .صدق هالبنت تقول مثل ملاك .الله يخلى اهلها لها .ويحظهم بها...وشوية دق تيلفون حمد
حمدهلا..
سعيد هاه بشر و الوضع وياك؟؟؟
حمد لا الينية رقدت..
سعيد ههههههه حليلها ..الا اقولك الحين شو نسوي ؟؟؟
حمد والله ما اعرف يعنى وين اهلها ؟؟؟؟؟معقول جيه هم ما يدورونها؟؟؟
سعيدوالله ما اعرف شو اقولك بس انا الحين بروح عند شرطى الامن وبقولة..
حمد يعنى انا بتم عندها لين ما اتى وتبلغ عنها؟؟؟؟؟؟؟
سعيد انت ما تقول انها راقدة ؟؟؟كيف بتم شالنها ؟؟حليلها خلها راقدة وبعدين انا بيي ويا الشرطى وبياخذها من عندك..
حمد خلاص انا بكون في الكوفي ..
سعيد خلاص عيل..
حمد اقولك...وين حمدان ومحمد؟؟؟؟؟؟؟؟
سعيد يايهاه الحين هم في السينما..
حمد شوووو؟ والله مش منهم من الى اييبهم ليش سارو عنا؟؟؟
سعيد تراك ما تبى تشوفه وبعدين انا قتلهم عن سالفة البنت وقلت لهم انهم يسيرون ويشوفونة
حمد الا مخوة بوش انتو....خلاص انا عيل بترياك..مع السلامة
سعيدمع السلامة..
وشل حمد البنت صوب الكوفي والا يشوف في الدرب وحدة ياية صوبة وياها بشكارة. استغرب هاي شو تبى؟؟؟
....انت كيف تتجرا وتشل البنت؟؟ وانا من ساعة ادور عليها؟؟ خسفت المول ادور عليها. وما خليت شرطى الا وقلتلة مواصفاتها..وعثرها عندك؟؟؟منو تتحرى عمرك؟؟ شو تتحرا الا تعال وشل ؟؟؟شو تتحرى مالها ولى؟؟صدق والله سخافة..هات البنت. جودي شلى شمة ويالا نروح السيارة .
حمد وهو متغيضخيرا تفعل شرا تلقى. هذا الكلام الى قالها لها لا زاد ولا قل وسكت ما قالها كيف لقاها ولا فهمها باللى استوى وانها ظلمتة بكلامها. وعطى البنت للبشكارة وكل الى اشترا لها وسار صوب الكوفي وهو يحس بضيق في صدرة .ما كان عارف ليش هو مضيق يمكن عشان الكلام الى سمعة منها؟؟ولا يمكن عشان انة خلاص ما بشوف البنت ؟؟ولا يمكن انها ظلمته بكلامها..وشوية يه سعيد...
سعيد ول الخيبة شو سويت بالبنت؟؟وين خليتها؟؟؟
حمد بعد لو وحش ؟؟جيه شو تتحرانى ؟؟..
سعيدلا صدق وين البنت؟؟؟؟؟؟؟
حمد شلوها اهلها..
سعيد والله ؟؟؟
حمد والله..
سعيدالحمد لله اخيرا افتكينا من الامانة..
حمد بس لو تعرف شو استوى ؟؟؟
سعيد شو استوى؟؟؟؟
وخبر حمد سعيد شو استوى....ويلس سعيد ناقع من الضحك ما قدر يسكت..
حمد والله مش منك من الى يخبرك...
سعيد في ذمتك قالتلك هالكلام؟؟؟؟
حمد هيه شو تشوفنى اتمصخر؟؟؟
سعيد وانت ما قلتلها شىء؟؟؟
حمد لا بوك ما قدرة اقولها شىء..استحيت اقولها شى
سعيد بس هيه عطتك من هالبارد والله لو كنت مكانك لهزبتها ووقفتها عند حدها. تخسى الا هية منو تكون هيه عشان تقولى هالكلام؟؟؟..
حمد عيب عليك شو بتحطى عقلك وعقل بنات ؟؟؟
سعيد يوم البنات ما لهن مذهب شو اسوي؟؟ لازم تادبهن وتعلمهن كيف يثمنن كلامهن.ويكلمن الرياييل.
حمد انزين لو كنت مكانها ما بتخاف على البنت وبسوي شراتها؟؟ حرام كل واحد وعندة ظروف صح ولا لا؟؟
ويقطع سعيد كلام حمدبس عاد مش انها جيه تتكلم وجنك خطفت البنت؟؟؟
حمد خلاص عاد انسى السالفة ..والكلام الى انقال حقى مش حقك؟؟
سعيد حتى ولو ؟؟
وياه حمدان ومحمد عند سعيد وحمد..
حمدان هاه شو رديتوها البنت؟؟؟
سعيد هيه..
محمد عيل خلاص يله نروح البيت..
سارو الشباب صوب البيت ورقدو عشان باجر وراهم رحلة قنص..بس واحد منهم ما ياه الرقاد..اللى وهو حمد شال في خاطرة على البنت الى كلمتة بهاي اللهجة ومستغرب من اللى استوى له اليوم . ويلس يفكر لين ما ياه الرقاد ورقد..
انشاء الله تكون عجبتكم ولا تنسو الردود

hi dhg]kdh udhg ul ,gh djuhvt,k v,hdi lvi lvi v,ui